呢幾日，我依然喺度炒散，開始同Cosette「拍拖」。
點解我用引號？因為我唔係好摸清楚我對Cosette嘅感覺到底係咩。
係！我承認我第一眼見到佢係起痰。但係，就係因為佢係女神；我更要小心，唔好猴擒。
不過，就係因為我呢一個「自我約束」，令我唔係太清楚我對佢嘅感覺。
所以，我唔敢話自己係佢嘅Marius Portmercy。而我唔覺得做佢嘅Jean Valjean係件失望嘅事——至少，我都有幫到佢。
繼續閱讀 “自首．入獄．逃獄．記（九：Keep Calm and Watch the Time）"我食完牛肉河之後，就去鴨寮街，睇吓有咩架撐．．．
呢個時候，我知道我可以剪得張香港身分證．．．
令到人想放棄自己出生地．．．呢個政府真係極品！
雖然我大學唔係主修歷史，不過都有take過一啲history（當年膽粗粗喺無first year基礎之下走去讀third year嘅加拿大歷史）。另外入伍做新兵訓練時，我要寫一篇關於加拿大軍隊歷史嘅閱讀報告。所以對歷史，我都有多少嘅認識。
有咩政府會喺戰亂以外嘅情況令人放棄出生地？
繼續閱讀 “自首．入獄．逃獄．記（八：喺十字路口打邊爐）"
先利申：真是一點都不熟Sam Hui．．．也沒有看他的網上直播。至於Bob Dylan，我也絕對不是專家——可能在北美洲，這方面的「專家」滿街都是。但是，他對我在文學的創作影響好大。思前想後，才下手寫這「無病呻吟」．．．如果詞不達意，還請大家見諒！
另：文是由去年起稿，結果丟下未完成。今日卻因為看到有人在某群組中談到許懷恩，於是完成文章。
2016年，Dylan迷（以及Dylan本人）都收到一個像惡作劇的驚喜：瑞典諾貝爾獎委員會以「在大美國歌曲傳統之中創出嶄新的詩詞表達」(for having created new poetic expression within the great American song tradition)，而將該屇文學獎頒給當時74歲的美國殿堂級歌手。
那一日，我真是不斷在Facebook上瘋傳有關新聞——因為實在太難以至信！也立刻做封面圖慶祝。
我哋去咗一間開到幾夜嘅火鍋舖食嘢，大家交換一啲資料——女神叫Cosette（當佢講個名時，我真係衝口而出：「嘩！Les Misérable！」），係一個freelance法文老師。而佢都做cosplay．．．
而我好坦白同佢講我當過兵同埋去過阿富汗．．．
繼續閱讀 “自首．入獄．逃獄．記（七：Stranger than Fiction/沉著．思謀）"我一邊聽住歌，一邊留意四圍嘅聲音。可能係因為夜晚嘅關係，有唔少人都瞓著咗——仲扯晒鼻鼾。而女神都閉目養神。
聽啲引擎聲，佢哋都好老實咁揸隻船。
之前聽引擎聲同估計個速度，我諗坐緊嘅係水翼船——咁樣應該好快返到市區任何一個碼頭。
另外，因為我哋要上樓梯——即係我哋坐緊嘅船有兩層。所以我估計下面有柳記坐緊船返屋企。班「中國柒肉頭」應該唔會整沉隻船．．．
突然之間，我聽到身邊一下好sharp嘅吸氣聲。
繼續閱讀 “自首．入獄．逃獄．記（六：隔世．彼此．明燈）"225-2同225-4夾住我向前行——個方向真係「離開」嘅方向。
「發生．．．咩嘢事？」聽到自己把聲虛到似腎虧，我都驚一驚。
「頭先，同你對峙嘅大陸狗攞個Taser電你．．．」
「嗯．．．然後呢？」
繼續閱讀 “自首．入獄．逃獄．記（五：氣虛．奈何橋．再遇）"我同另外四個命運同我牽住一齊嘅人入去一個大堂搵位坐。
「最好大家一齊坐喇．．．」225-4——一個同我差唔多年紀，身型比較瘦削，有啲神經質嘅男人——提議。
「唓！佢哋又無話要坐埋一齊！」225-1——一個頭已經禿到後腦，矮矮肥肥，矇豬眼，似足電視劇之中嘅金魚佬嘅中坑反駁：「我唔想同嗰種人一齊！」
繼續閱讀 “自首．入獄．逃獄．記（四：騷動．報復．斷片）"我哋呢班「未定罪嘅犯」某程度上喺一個惶恐嘅心情之下俾啲「話自己係血濃於水嘅同胞」,實情係「一心要馴服你班港英走狗」嘅可惡殖民者嘅「強行牽引」之下「上路」。
喺我再坐低時，我淨係感到兩個動作：「上落樓梯」同「向前行」。
首先，我哋呢條「名副其實」嘅「人鍊」被帶去一道樓梯。帶我哋嘅嗰隻狗都算佛心，去到樓梯時真係會講：「小心啊！有樓梯啊！」然後叫住「一，二」「一，二」咁lead你行。
跟住口令去行其實係okay嘅。不過，有啲人就唔係好協調——叉錯腳，或者因為腳鐐嘅牽制而唔知點行都發生咗幾次。有呢啲情況就真係齊齊仆街！
繼續閱讀 “自首．入獄．逃獄．記（三：獄門．玉帛）"唔好駁講古佬，上一回講明係唔會有章法。
兩個堅似「武警」嘅「肉頭」押我去搭lift，停定之後就「推」我出去，然後入去一間房——兩條友全程都係搭住我膊頭，捉住我手臂，一啲都無鬆懈過！
如果我依家唔係被套上塑膠手扣，而係被五花大綁，頸上掛住一個寫咗我個名——仲要打咗個大紅交叉——嘅大名牌，俾呢件兩件「肉頭」扯住頭髮，頭要向前，我真係以為自己去緊打靶！
或者因為以前係酒店，以及呢個係一個臨時嘅地方，所以都唔算令人壓迫感。
令人有壓迫感係我身邊嗰兩隻「肉頭」——因為之前我已經prep好我自己，我某程度上都應付到。
我又發埋啲奇怪嘅夢．．．所以有好多嘢未必合理．．．希望大家諒解！
另外發現篇文會太長，決定拆件上！
故事純屬虛構，如有雷同就…我唔識講喇！
為堅定不移並全面準確貫徹「一國兩制」、「港人治港」、高度自治的方針，維護國家安全，防範、制止和懲治與香港特別行政區有關的分裂國家、顛覆國家政權、組織實施恐怖活動和勾結外國或者境外勢力危害國家安全等犯罪，保持香港特別行政區的繁榮和穩定，保障香港特別行政區居民的合法權益，根據中華人民共和國憲法、中華人民共和國香港特別行政區基本法和全國人民代表大會關於建立健全香港特別行政區維護國家安全的法律制度和執行機制的決定，制定本法。
——《中華人民共和國香港特別行政區維護國家安全法》第一章，第一節
有一日，我收到一封信——啡色信封，左上角印住「香港警務處」同「HONG KONG POLICE」嘅字樣。仲要註明係私人密件！
我望一望個信封上面個label——的確係我嘅姓名同地址．．．
「告票都唔駛印『私人密件』嘛？」我心諗。
喺香港，我連一部電單車都afford唔到，何來有交通告票呀？
我隨手喺櫃度搵一把刀鎅開信封，揚一揚封信嚟睇。
標題寫：「自首通知書」
Eh?! 「自首」？我犯咗咩事呀？！
我繼續睇落去。
創作無間遊 